2,642 மருத்துவர்களுக்கு விரைவில் பணி நியமன ஆணை!

சென்னை சைதாப்பேட்டை மாந்தோப்பில் உள்ள மாநகராட்சி பெண்கள் மேல்நிலைப் பள்ளியில் 55-வது ஆண்டு விழா நேற்று நடந்தது. இதில், மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் கலந்து கொண்டு, பல்வேறு போட்டிகளில் வெற்றி பெற்ற மாணவிகளுக்கு பாராட்டுச் சான்றிதழ்கள் மற்றும் பதக்கங்களை வழங்கினார். 

பின்னர், அமைச்சர் மா.சுப்பிரமணியன் நிருபர்களிடம் கூறியதாவது:- 

மருத்துவ பணியாளர் தேர்வு வாரியம் காலியாகவுள்ள மருந்தாளுநர் பதவிக்கு நேரடி நியமனம் மூலம் தேர்வு செய்ய அறிவிப்பாணை வெளியீடு

பள்ளிக்கல்வித்துறையை மேம்படுத்துவதற்காக தொடங்கப்பட்ட புதுமைப் பெண், தமிழ்ப் புதல்வன் ஆகிய திட்டங்கள் இந்தியாவிற்கே வழிகாட்டியாக இருந்து வருகிறது. அரசுப் பள்ளிகளின் கட்டமைப்பு மேம்படுத்தப்பட்டு பொதுத் தேர்வுகளில் தேர்ச்சி சதவிகிதமும் உயர்ந்துக் கொண்டிருக்கிறது. இதேபோல, 2 ஆயிரத்து 553 டாக்டர்கள் காலிப் பணியிடங்களுக்கு கடந்த மாதம் 5-ந்தேதி தேர்வுகள் நடத்தப்பட்டு தேர்வு முடிவுகள் வெளியிடப்பட்டுள்ளது. கூடுதலாக 89 காலிப் பணியிடங்கள் சேர்க்கப்பட்டு மொத்தம் 2 ஆயிரத்து 642 காலிப்பணியிடங்களுக்கு சான்றிதழ் சாரிபார்ப்புகள் நடைபெற்று முடிந்துள்ளது. 

மருத்துவ பணியாளர் தேர்வு வாரியம் வேலைவாய்ப்பு அறிவிப்பு ஊதியம் 56,100 - 1,77,500

தற்போது காலிப்பணியிடங்களை தேர்வு செய்யும் பணிகள் நடைபெற்றுக் கொண்டிருக்கிறது. தொடர்ந்து, கலந்தாய்வு நடத்தப்பட உள்ளது. 2 ஆயிரத்து 642 பேருக்கும் கலந்தாய்வு நடத்தப்பட்டு அவரவர் விரும்பும் இடங்களில் பணியில் அமர்த்தப்பட இருக்கிறார்கள். இன்னும் 10 நாட்களுக்குள் முதல்-அமைச்சர் மு.க.ஸ்டாலின், அவர்களுக்கு பணி ஆணைகளை வழங்க உள்ளார். இவ்வாறு அவர் கூறினார்.